18:43 Սամիր Նասրի. "Առայժմ որոշում չեմ կայացրել "Արսենալի" հետ նոր պայմանագիր ստորագրելու մասին" | |
 Լոնդոնի "Արսենալի" ֆրանսիացի երիտասարդ կիսապաշտպան Սամիր Նասրին բրիտանական Sky Sports հեռուստաընկերության լրագրողին տված հարցազրույցի ժամանակ պատմել է լոնդոնյան ակումբի հետ պայմանագիրը երկարաձգելու իրավիճակի մասին. "Ես դեռ չեմ որոշել, թե կստորագրե՞մ արդյոք "Արսենալի" հետ նոր պայմանագիր, թե ոչ: Առայժմ բանակցությունները շարունակվում են, չնայած որ ես հիմա չեմ մտածում պայմանագիրը երկարաձգելու մասին: Այդ մասին մենք կխոսենք Ֆրանսիա-Լեհաստան հանդիպումից հետո (տեղեկացնենք, որ խաղը կկայանա հունիսի 9-ին): Արդյո՞ք ես ուզում եմ տեղափոխվել "Յունայթեդ": Նախ անհրաժեշտ է իմանալ, թե ինչքանով են ստույգ նրանց՝ ինձնով հետաքրքրվելու մասին լուրերը": Հիշեցնենք, որ ֆրանսիացու պայմանագիրը լոնդոնյան "զինագործների" հետ ուժի մեջ է մինչև 2012թ-ի հունիսի 30-ը: "Արսենալի" գլխավոր մարզիչ Արսեն Վենգերը հայտարարել է, որ Նասրիի և թիմի միջև մինչև այժմ պայմանագիր չստորագրվելու պատճառն այն է, որ կողմերը դեռևս չեն կարողանում համաձայնության գալ պայմանագրի ֆինանսական կողմով:
| |
|
| |
| Total comments: 0 | |