 Կատալոնական "Բարսելոնայի" և Իսպանիայի ազգային հավաքականի առաջատար կիսապաշտպան Չավի Հերնանդեսն իր հիացմունքն է հայտնել երտասարդ թիմակից արգենտինացի Լիոնել Մեսսիի հասցեին: Կիսապաշտպանի խոսքերը մեջբերում է Goal.com կայքը. "Ֆուտբոլի պատմության մեջ շատ ու շատ հիանալի ակումբներ են եղել. Բրազիլիայի հավաքականը՝ Պելեի ժամանակ, "Այաքսը" Կրույֆի հետ միասին, "Միլանը"՝ Սակիի գլխավորությամբ: Բայց վերջին 20 տարիների ընթացքում "Բարսելոնան" լավագույնն է Երկիր մոլորակում: Ինչ վերաբերում է Մեսսիին, ապա նա բոլոր ժամանակների լավագույն ֆուտբոլիստն է: Նա գերազանցում է Պելեին, Մարադոնային, Կրույֆին և շատ ուրիշ լեգենդներին: Մենք նրան ամբողջ թիմով փորձում ենք պաշտպանել: Առանց նրա "Բարսան" այլ տեսք կունենա": |