 Լոնդոնի "Չելսին" երեկ հայտարարեց, որ նոր գլխավոր մարզիչ ունի: Թիմի նորանշանակ մարզիչ Անդրե Վիլաշ-Բոաշն իր առաջին հարցազրույցն է տվել որպես "արիստոկրատների" գլխավոր մարզիչ. "Ես դեռ ոչ մի ակնկալիք չունեմ իմ նոր թիմի խաղացողներից: Ես ուզում եմ եզակի թիմ ստեղծել, որը կլինի ուժեղ, միասնական՝ իր մեջ ներառելով նաև երկրպագուներին: Թիմի երկրպագուի դերը շատ մեծ է, և ես հուսով եմ, որ "Չելսիի" անցած տարվա մրցելույթներից դժգոհ մարդ չի եղել ֆանատների շրջանում: Ես ուզում եմ նոր մթնոլորտ ստեղծել, կառուցել նոր թիմ՝ հիմնվելով նախկինի վրա: Այս թիմը, որի մարզչական ղեկին եմ այսօրվանից, պիտի դառնա լավագույնը, ու հավատացեք՝ մոտակա ժամանակներում մեզնից կսարսափեն բոլորը: Իմ հիմնական նպատակն է լինելու հաղթելը, հաղթել գեղեցիկ ու դինամիկ խաղով: Ես էլ "սոված" մարզիչ եմ և տիտղոսների քաղց ունեմ": |