 Չինական "Խուանչժու Էվերգրանդ" ակումբի ղեկավարությունը արդեն իսկ ժխտել է վերջին շրջանում եվրոպական մարզական մամուլում հայտնված այն տեղեկատվությունը, թե իբր իրենք լրջորեն հետաքրքրվում են Մադրիդի "Ռեալի" բրազիլացի կիսապաշտպան Կակայի ծառայություններով և պատրաստ են բավարարել "Արքայական ակումբի" ցանկացած 45 մլն եվրո տրանսֆերային փոխհատուցումը: "Մեր թիմում արդեն 7 լեգիոներներ կան, իսկ Չինաստանում հենց այդքան օտարերկրյա խաղացող պետք է լինի, ավելին չի թույլատրվում: Հանուն Կակայի` մենք մտադիր չենք ինչ-որ մեկից ազատվել",- ասել են չինացիները: |