 Մադրիդի "Ռեալի" հենակետային կիսապաշտպան Խաբի Ալոնսոն օրերս խոստովանել է, որ իր և "Արքայական թիմի" աստղ Քրիշտիանու Ռոնալդուի միջև դեռ անձնական որևէ տեսակի հարաբերություններ չկան: Չնայած միևնույն ժամանակ նշել է, որ որպես ֆուտբոլիստի` շատ է հարգում պտուգալացի իր թիմակցին: "Իմ և Ռոնալդուի միջև գոյություն ունի փոխադարձ հարգանք մեր իսկ մասնագիտական կարողությունների նկատմամբ: Բնականաբար, ակումբում բոլորը չեն կարող իմ մտերիմ ընկերները լինել, ֆուտբոլից դուրս շատերի հետ նույնիսկ չեմ շփվում: Հանդերձարանում Ռոնալդուի հետ "յոլա" ենք գնում: Նա շատ հեռանկարային, ամբիցիաներով խաղացող է և շատ է հավատում ինքն իրեն: Նա մեր ակումբի կարևերագույն խաղացողներից մեկն է",- ասել է Ալոնսոն: |