00:27 Աբրամովիչը ամռանը տրանսֆերների համար պատրասվում է հրաժարվել 90 մլն ֆունտից | |
 Բրիտանական հեղինակավոր The Telegraph պարբերականը տեղեկացնում է, որ Լոնդոնի "Չելսիի" ռուս սեփականատեր Ռոման Աբրամովիչը լրատվամիջոցներին հայտնել է, որ պատրաստ է ամռանը նոր ֆուտբոլիստների տրանսֆերների համար ծախսել 90 մլն ֆունտ ստեռլինգ: Հնարավոր նորեկների ցուցակը գլխավորում են չորս ֆուտբոլիստներ՝ անգլիական "Տոտենհեմի" և իտալական "Ուդինեզեի" կիսապաշտպաններ Լուկա Մոդրիչը և Ալեքսիս Սանչեսը, ինչպես նաև բրազիլական "Սանթոսի" և հոլանդական "Անդերլեխտի" հարձակվողներ Նեյմարը և Ռոմելու Լուկակուն:Մոդրիչի համար "կապույտներն" արդեն առաջարկել են 30 մլն ֆունտ, բայց "Տոտենհեմի" նախագահ Դանիել Լևին հրաժարվել է բանակցություններ վարել, սակայն նա կարող է փոխել իր դիրքորոշումը, երբ Անգլիայի փոխչեմպիոնը գործարքի մեջ ներգրավի իվուարցի Դիդյե Դրոգբային: Բելգիական թիմի առաջատարի տրանսֆերը գնահատվում է 20 մլն ֆունտ: Լոնդոնցիները նրան ցանկանում են ձեռք բերել երկար ժամանակով, այլ ոչ թե հիմնական կազմը ժամանակավորապես հզորացնելու համար: Իսկ ահա Բրազիլայի հավաքականի հարձակվող Նեյմարի համար "Չելսին" 20 մլն-ից ավել է ստիպված վճարել: Եթե անցած մրցաշրջանում "կապույտները" Նեյմարին կարող էին ձեռք բերել 15 միլիոնով, ապա այսօր նրա արժեքը զգալիորեն մեծացել է: Ինչ վերաբերում է Սանչեսին, ապա "Ուդինեզեն" նրա տրանսֆերային արժեքը գնահատում է 30 մլն, սակայն լոնդոնցիների հետ 22-ամյա չիլիացու համար պայքարում են անգլիական "Մանչեսթեր Յունայթեդը" և "Մանչեսթեր Սիթին", իսպանական "Բարսելոնան" և իտալական "Ինտերը": Ակնկալվում է, որ "Չելսին" հրաժեշտ կտա մի շարք ֆուտբոլիստների: Այդ ֆուտբոլիստներից կարող են լինել Ժոզե Բոսինգվան, Պաուլո Ֆերեյրան, Յուրի Ժիրկովը, Նիկոլյա Անելկան և նրա հայրենակից Ֆլորան Մալուդան:
| |
|
| |
| Total comments: 0 | |