20:04 Ագուերո. "Ես արդեն գիտեմ, թե հաջորդ մրցաշրջանում որ ակումբում եմ հանդես գալու" | |
Արգենտինայի ազգային հավաքականի առաջատար հարձակվող Սերխիո Կուն Ագուերոն կարծում է, որ այդքան էլ ճիշտ բան չեն անում նրանք, ովքեր համեմատություններ են անցկացնում բրազիլացի Նեյմարի և իր հայրենակից Մեսսիի միջև: Մադրիդյան Mаrca հանդեսին տված հարցազրույցի ժամանակ Ագուերոն նաև ասել է, որ կողմնորոշվել է և գիտի այն ակումբը, որտեղ հանդես է գալու հաջորդ մրցաշրջանում. "Ես չեմ կարծում, որ այդպիսի համեմատությունը ճիշտ կլինի, քանի որ Մեսսին արդեն վաղուց է հանդես գալիս Եվրոպայում, իսկ ահա Նեյմարը դեռ նոր է իրեն դրսևորում Բրազիլիայում: Ինչ վերաբերում է իմ ապագային, ապա կարող եմ ասել, որ ակումբի ընտրության հարցում ես հույս ունեի վերջնական որոշում կայացնել մինչև "Ամերիկայի գավաթի" մեկնարկը, սակայն տեղափոխությանս հարցերով ստիպված եմ զբաղվել մրցաշարի ավարտից հետո: Իմ գործակալն օր ու գիշեր աշխատում է տրանսֆերիս հարցով: Քանի որ արդեն մեկնարկել է "Ամերիկայի գավաթը", այդ իսկ պատճառով փորձում եմ տրանսֆերիս հարցով չմտածել: Ես արդեն գիտեմ, թե որտեղ եմ հանդես գալու մյուս մրցաշրջանում, սակայն այդ ամենի մասին ամենայն մանրամասնությամբ լրատվամիջոցներին կտեղեկացնեմ մրցաշարի ավարտից հետո":
| |
|
Total comments: 0 | |