 Հայտնի խորվաթ մոդել Նիվես Ցելսիուսը, ով խոստովանել է, որ 2008թ.-ին անգլիացիների հանդեպ տոնած հաղթանակից հետո խորվաթական "Մաքսիմուր" մարզադաշտում սիրով է զբաղվել իր ամուսնու՝ կիսապաշտպան Դինո Դրպիչի հետ, կմասնակցի երկրի տղամարդկանց ֆուտբոլի առաջնությանը: Խորվաթական ԶԼՄ-ների հաղորդմամբ՝ տղամարդկանց համար նախատեսված Playboy հանդեսում բազմաթիվ նկարներ ունեցած գեղեցկուհին առաջիկայում խաղադաշտ դուրս կգա երկրի տղամարդկանց առաջնության հանդիպմանը, ընդ որում դա կլինի Խորվաթիայի բարձրագույն լիգայի խաղ: Նիվեսն արդեն պայմանագիր է կնքել "Սլավեն" ակումբի հետ, որն ուրբաթ օրը մրցելու է "Զագրեբի" դեմ: Գեղեցկուհին առայժմ չի հայտարարել՝ պատրաստե՞լ է արդյոք որևէ անակնկալ երկրպագուների համար, թե՝ ոչ: |