 Անգլիական The Daily Star պարբերականը տեղեկացնում է, որ կատալոնական "Բարսելոնան" պատրաստվում է Լոնդոնի "Արսենալին" վճարել "զինագործների" պահանջած 40 մլն ֆունտ ստեռլինգը, միայն թե իր տաղանդավոր սան Ֆրանչեսկ Ֆաբրեգասը վերադառնա հարազատ ակումբ: "Չեմպիոնների լիգայի" եզրափակչում անգլիական "Մանչեսթեր Յունայթեդին" հաղթելուց հետո "կապտանռնագույնների" գլխավոր կատալան մարզիչ Խոսեպ Գվարդիոլան հանդիպել է ակումբի նախագահ Սանդրո Ռոսելի հետ և նրան խնդրել է, որ իրենց կատալան սանը վերադառնա հայրենիք: Չնայած Պեպի խնդրանքին՝ Ռոսելը Ֆաբրեգասին ձեռք բերելու համար դեռևս պաշտոնապես առաջարկ չի արել "զինագործներին", սակայն նա Լոնդոնում գտնվելու օրերին պլանավորել է հանդիպել լոնդոնյան ակումբի ղեկավարների հետ և նրանց հետ բանակցել՝ Ֆաբրեգասին ձեռք բերելու համար: |