Լոնդոնի "Չելսիի" գլխավոր մարզիչ Անդրե Վիլլաշ-Բոաշն Անգլիայի առաջնության 12-րդ տուրի՝ "Լիվերպուլի" հետ հանդիպումից առաջ ընդգծել է, որ թիմային նվաճումներն իր համար ավելի արժեքավոր են քան, ֆուտբոլիստների անհատական ձեռքբերումները: "Իմ գլխավորած "Չելսիի" հարձակվողների խնդիրը միայն գոլ խփելը չէ: Նա նաև պետք է մասնակցի թիմի կոմբինացիաներին, օգնի գոլային պահեր ստեղծելուն: Ինձ ֆուտբոլիստների անհատական նվաճումները չեն հետաքրքրում: Կարևորն այն է, որ յուրաքանչյուր խաղացող միմիայն թիմի շահերից գործի",-ասել է պրագմատիկ Վիլլաշ-Բոաշը "Չելսիի" պաշտոնական կայքին տված հարցազրույցի ժամանակ: