 Հոլանդական "Այաքսի" դանիացի 19-ամյա կիսապաշտպան Քրիստիան Էրիկսենը հրաժարվել է տեղափոխվել անգլիական "Մանչեսթեր Սիթի": Ֆուտբոլիստի խոսքերով, այդ քայլն իրեն շատ վտանգավոր է թվում, քանի որ "Քաղաքայինների" կազմում նա դժվար թե ունենա այնքան խաղային ժամանակ, որքան իրեն ձեռք կտար: "Իմ գործակալը ինձ հայտնեց "Սիթիի" մտադրությունների մասին: Եվ հավելեց, որ երկու թիմերն էլ արդեն համաձայնության են եկել, բայց դա ինձ համար շատ վտանգավոր է, քանի որ ես դեռ երիտասարդ եմ և չեմ ուզում ժամանակս ծախսել պահեստայինների նստարանը մաշելով,"-հայտնի Sky Sports հանդեսը մեջբերում է երիտասարդ դանիացու խոսքերը: |