09:27 Եդիգարյանը միայն փոխարինման է մտնում | |
 Ոչ մի կերպ հետնապահի դիրքերից չձերբազատվող Ուժգորոդի "Գովերլան" սեփական հարկի տակ ոչ-ոքի՝ 1-1 հաշվով ավարտեց "Իլիչևեցի" հետ մենամարտը: Այս խաղում էլ Հայաստանի ազգային հավաքականի կիսապաշտպան Արթուր Եդիգարյանը, ով վերջին խաղերում տեղ չէր գտնում "Գովերլայի" մեկնարկային կազմում, ասպարեզ դուրս եկավ հանդիպման 83-րդ րոպեին, երբ իրենց թիմը մնացել էր 10 հոգով (Խմբ. խաղի 75-րդ րոպեին հեռացվել էր "Գովերլայի" հարձակվող Վլադիմիր Լիսենկոն): Թե ինչ կարող էր ցուցադրել հայ ֆուտբոլիստը 7-10 րոպեների ընթացքում, դժվար չէ գուշակել. նա աչքի ընկավ թիմի պաշտպանությունը բետոնելու գործունեությամբ. Արթուրը մի քանի դրվագներում կանխեց թվային առավելություն ստացած մրցակցի արագ գրոհները: Հավելենք, որ ապրիլի 7-ին առաջնության 23-րդ տուրում Արթուր Եդիգարյանի "Գովերլան" Սիֆերապոլում կմրցի "Տավրիայի" հետ:
| |
|
| |
| Total comments: 0 | |