18:00 Եթե չլիներ ֆուտբոլը, Տևեսը կարող էր դառնալ հանցագործ | |
Անգլիական "Մանչեսթեր Սիթիի" արգենտինացի առաջատար հարձակվող Կառլոս Տևեսը պարբերականներից մեկին տված հարցազրույցի ժամանակ խոստովանել է, որ եթե չլիներ ֆուտբոլը, ապա նա երևի կգնար հանցավոր ճանապարհով` դառնալով թմրամոլ կամ հանցագործ: Նշենք, որ Կառլիտոսը ծնվել է Արգենտինայի մայրաքաղաք Բուենոս-Այրեսի ամենաաղքատ թաղամասերից մեկում` Ֆուերտե Ապաչեում: Չնայած տրող սոցիալական ծայրահեղ պայմաններին` արգենտինացին կարողացել է հաղթահարել աղքատությունը ֆուտբոլի միջոցով: Ֆուտբոլի շնորհիվ նա այժմ հանդես է գալիս անգլիական ծագող ակումբ "Մանչեսթեր Սիթիում", որը համարվում է աշխարհի ամենահարուստ ակումբներից մեկը, սակայն նա չի մոռանում իր արմատների մասին: Մի անգամ արգենտինական La Gargata Poderosa պարբերականին տված հարցազրույցի ժամանակ Տևեսն ասել է. "Եթե չլիներ սպորտի այս ձևը, ապա հիմա ես կենդանի չէի լինի, ինչպես իմ թաղամասի բնակիչներից շատերը: Այնտեղ դու ընտրելու մեծ հնարավորություն չունես. դու կարող ես հայտնվել բանտում, քեզ կարող են սպանել կամ էլ թմրանյութերի գերդոզավորումից կարող ես մահանալ փողոցի մեջտեղում: Իհարկե, հանցագործ չեն ծնվում, սակայն կյանքի պայմանները քեզ դրդում են գողության և հեշտ կյանքի որոնման: Հիմա շատ ԶԼՄ-ներ իրենց հոդվածներում գրում են, որ Արգենտինայի քաղաքների շատ թաղամասերում մարդիկ ապրում են ծայրահեղ աղքատության մեջ, սակայն նրանք չեն էլ կարող պատկերացնել, թե իրականում ինչ աստիճանի է այն: Լրագրողներն այնտեղ չեն էլ կարող ապրել նունիսկ երկու տարի",-դժկամորեն ասել է Տևեսը:
| |
|
Total comments: 0 | |