 Անգլիական "Մանչեսթեր Յունայթեդի" բուլղարացի հարձակվող Դիմիտար Բերբատովի գործակալ Էմիլ Դանչևը հայտարարել է, որ չնայած նրան, որ մանկունիանցիները չեն շտապում հարձակվողի հետ երկարաձգել պայմանագիրը, այնուամենայնիվ Դիմիտարը ցանկանում է մնալ "Յունայթեդում": Դանչևն ասել է. "Առայժմ մենք ոչ մի նորություն չունենք Բերբատովի ապագայի հարցով, քանի որ "Յունայթեդը" չի կապնվել մեզ հետ: Մենք պատրաստվում ենք զրուցել ղեկավարության հետ և պարզել, թե նրանք ինչ են որոշել: Ինչ էլ որ լինի, Բերբատովը գոհ է "Յունայթեդից" և ուրախ է, որ խաղում է այդ թիմում: Հարձակվողի ծառայություններով շատ ակումբներ են հետաքրքրված, բայց անձամբ ինքը ցանկանում է մնալ Անգլիայի չեմպիոնների կազմում": |