 Մադրիդի "Ռեալի" կիսապաշտպան Էստեբան Գրաներոն այսօր մեկնաբանել է կատալոնական "Բարսելոնայի" նկատմամբ տարած հաղթանակը՝ այն անվանելով շատ կարևոր քայլ դեպի վաղուց բաղձալի չեմպիոնություն։ "Երբ մենք այցելում էինք "Կամպ Նոու", միշտ էլ ավելին էինք ցանկանում։ Այսօր հետաքրքիր խաղ ստացվեց, և մենք ավելի ուժեղ գտնվեցինք։ "Բարսելոնան" գրեթե միշտ հաղթում է սեփական հարկի տակ, բայց այս անգամ մենք կարողացանք հաղթել մի թիմի, որին շատերն անվանում են աշխարհի լավագույն ակումբ։ Մենք ապացուցեցինք, որ կա ևս մեկը, որը լավագույնն է։ Մենք լիարժեք նվիրվեցինք և արդյունքն ակնհայտ էր",- ասել է իսպանացի ֆուտբոլիստը։
|