 Կատալոնական "Բարսելոնայի" գլխավոր մարզիչ Խոսեպ
Գվարդիոլան բրիտանական ԶԼՄ-ների հետ խոսել է ամռանը "Ռոմա" տեղափոխված Բոյան Կրկիչի հետ տարվող
աշխատանքների մասին. "Կրկիչը քննադատե՞լ է ինձ: Միակ բանը,
որ գիտեմ՝ նա մեզ հետ հիանալի աշխատանք է կատարել: Բայց ես հասկանում եմ
նրա հիասթափությունը: Ես փորձում էի նրան օգնել, բայց ավելին անել չէի
կարող: Նա միշտ կարող է վերադառնալ: Երկու
տարի անց նա նորից մեզ հետ կլինի: Եթե այդ ժամանակ "Բարսելոնայի" գլխավոր
մարզիչը ես լինեմ, կկարողանամ համոզել նրան վերադառնալ: Տեսնենք... Երկու
տարին ֆուտբոլում մեծ ժամանակահատված է",-Գվարդիոլայի խոսքերն է մեջբերում The SUN տաբլոիդը:
Հիշեցնենք, որ ավելի վաղ Կրկիչը հայտարարել էր, որ չի պատրաստվում վերադառնալ "Բարսելոնա":
|