18:57 Հայտնի են Մադրիդի "Ռեալի" և "Բարսելոնայի" միջև կայանալիք հանդիպումների օրերը | |
 Իսպանական "Լա լիգայի" պաշտոնական կայքը տեղեկացնում է, որ հայտնի են դարձել Մադրիդի "Ռեալի" և կատալոնական "Բարսելոնայի" միջև կայանալիք հանդիպման օրերն ինչպես իսպանական "Պրիմերայի" 2011/12թթ. մրցաշրջանի, այնպես է Իսպանիայի "Սուպերգավաթի" շրջանակներում: Ըստ կայքի՝ Մադրիդի "Ռեալի" և "Բարսելոնայի" միջև առաջին հանդիպումը կայանալու է դեկտեմբերի 11-ին Մադրիդի "Սանտիագո Բերնաբեու" մարզադաշտում, իսկ ահա պատասխան հանդիպումը տեղի է ունենալու Կատալոնիայի "Նոու Կամպ" մարզադաշտում ապրիլի 22-ին: Առաջին հանդիպման օրը կարող է փոխվել և լինել դեկտեմբերի 10-ը, քանի որ կատալոնական ակումբը դեկտեմբերի 15-ին Տոկիոյում պետք է հանդես գա աշխարհի "Ակումբային առաջնության" կիսաեզրափակիչում:Ինչ վերաբերում է Իսպանիայի "Սուպերգավաթի" հանդիպումներին, ապա դրանք կկայանան օգոստոսի 14-ին և 18-ին. օգոստոսի 14-ին հանդիպումը տեղի կունենա Մադրիդի "Սանտիագո Բերնաբեու" մարզադաշտում Երևանի ժամանակով 00:55-ին, իսկ օգոստոսի 18-ին պատասխան հանդիպումը կկայանա Կատալոնիայի "Նոու Կամպ" մարզադաշտում Երևանի ժամանակով 02:00-ին:
| |
|
| |
| Total comments: 0 | |