 "Մանչեսթեր Յունայթեդի" վերջին անհաջող ելույթները և վնասվածքների իսկական էպիդեմիան կարծես ստիպել են թիմի ղեկավարությանը մտածել նոր ֆուտբոլիստներ ձեռք բերելու մասին: Այդ պատճառով նորից առաջին պլան է դուրս եկել Ուեսլի Սնեյդերին ձեռք բերելու Ալեքս Ֆերգյուսոնի վաղեմի մտադրությունը: Իտալական հեղինակավոր La Gazzetta Dello Sport պարբերականը տեղեկացնում է, որ "Ինտերի" սպորտային տնօրեն Մարկո Բրանկան պատրաստվում է մեկնել Մանչեսթեր` "Յունայթեդի" ղեկավարության հետ բանակցելու համար: Նշվում է նաև այն մասին, որ "Ինտերը" կվաճառի Սնեյդերին, եթե նրա համար խոշոր գումար վճարվի:
|