 Իսպանական "Վիլյառեալի" իտալացի հարձակվող Ջուզեպպե Ռոսսիի գործակալը խոստովանել է, որ իր "խնամակալը" դեռ սպասում է "Բարսելոնայի" առաջարկին: Ռոսսիի գործակալ Ֆեդերիկո Պաստարելոն ասել է. "Չեմպիոնների լիգայի" եզրափակիչից մեկ շաբաթ առաջ մեզ տեղեկացրին, որ "Բարսելոնան" երեք ֆուտբոլիստ է ցանկանում ձեռք բերել, այդ թվում նաև Ռոսիին, բայց ժամանակը գնում է, իսկ դրությունը չի փոխվում: Մենք "Բարսելոնայից" և "Վիլյառեալից" ազդանշանի ենք սպասում: Եթե պաշտոնական առաջարկություն լինի, կարծում եմ` գործարքը կկայանա: Բայց առայժմ ոչինչ չկա: Այո, Ջուզեպպե Ռոսսիի անձը հետաքրքրում է մի շարք ակումբների՝ մասնավորապես Իտալիայից: Բայց անձամբ ֆուտբոլիստը հիմա երազում է հագնել "Բարսելոնայի" մարզաշապիկը": |