 Մադրիդի "Ռեալի" գլխավոր մարզիչ Ժոզե Մոուրինյոյի հանրահայտ օգնականը՝ Այտոր Կարանկան, այսօր խոսել է "Արքայական թիմի" առանցքային ֆուտբոլիստների մասին. "Մենք բազմիցս խոսել ենք Ռոնալդուի կարևորության մասին, մեր թիմում նրա դերակատարության վերաբերյալ։ Ճիշտ է, նա "Ատլետիկի" դեմ խաղում գոլեր չխփեց, բայց նրա օգտակար գործողությունները շատ էին։ Լուկա Մոդրիչը հիանալի ֆուտբոլիստ է։ Նա իր տաղանդը ցուցադրում է յուրաքանչյուր խաղում։ Ինչ վերաբերում է Էսյենին, ասեմ, որ նա ունիվերսալ է ու կարող է խաղալ բազմաթիվ դիրքերում, բայց մենք դեռևս պետք է որոշենք, թե որտեղ կարող ենք նրան լիարժեքորեն օգտագործել մեր թիմում": |