 Լոնդոնյան "Արսենալի" փորձառու ու տաղանդավոր կիսապաշտպան Սանտի Կասորլան դեռ օրեր առաջ խնդրել էր բրիտանացի լրագրողներին և "զինագործների" երկրպագուներին իրեն չհամեմատել լոնդոնյան թիմի նախկին առաջատար Սեսկ Ֆաբրեգասի հետ. "Կխնդրեմ, որ ինձ երբեք չհամեմատեք Սեսկի հետ: Ես Կասորլան եմ, այլ ոչ թե Ֆաբրեգասը: Մենք խաղային տարբեր ոճ ունենք, այդ իսկ պատճառով չի կարելի մեզ համեմատել: Իհարկե, նա "Արսենալի" խորհրդանիշն է եղել, սակայն ես դեռ հեռու եմ նման հավակնություններից: Թեև ես նույնպես կձգտեմ նման դեր ստանձնելուն. ես էլ այստեղ երջանիկ եմ ու շատ հպարտ": |