18:41 Կուրանի. "Եթե ամեն խաղում 2 գոլ խփեի, ապա "Դինամոյում" չէի խաղա" | |
 Մոսկվայի "Դինամոյի" գերմանացի փորձառու հարձակվող Քևին Կուրանին, ով ռուսական "Պրեմիեր լիգայի" 26-րդ տուրում 2 գնդակ է խփել "Մորդովիայի" դարպասը (Խմբ. այդ հանդիպումն ավարտվել է 3-1 հաշվով հօգուտ "Դինամոյի"), խոսել է այն մասին, որ խաղն իր թիմի համար հեշտ չի ստացվել: - Մենք ապացուցեցինք, որ բացառիկ թիմ ենք, քանի որ կարողացանք հաղթել, չնայած այն բանին, որ խաղը շատ բարդ էր: Իհարկե, սրանում մեզ օգնեց հանդիպման սկզբում խփած գոլը: - Հաղթանակից հետո մարզիչը ինչ-որ բանից դժգոհո՞ւմ է: - Մենք միշտ փորձում ենք դրական մտածել, չէ որ կարևորը հաղթանակն է: Թեկուզ երկրորդ խաղակեսում մրցակիցը մեզ շրջափակել էր մեր դարպասի մոտ, մենք գոլ բաց չթողեցինք: Մարզիչը ընդմիջմանն ասել էր, որ երկրորդ խաղակեսում ավելի շատ ուշադրություն դարձնեինք պաշտպանական գործողություններին: - Կարելի՞ է ասել, որ "Մորդովիայի" դեմ խաղը Ձեր կատարմամբ լավագույնն էր 2013 թվականին: - Ավելի լավ խաղեր էլ են եղել: Ինձ համար կարևորը թիմի հաջողութունն է, ոչ թե անձնական վիճակագրությունը: Ես դեռ չեմ ընտրում, թե որ թիմին գոլ խփեմ: Եթե կարողանայի յուրաքանչյուր խաղում աչքի ընկնել երկու և ավելի գոլ խփելով, երևի թե արդեն կխաղայի ոչ թե "Դինամոյում", այլ մեկ ուրիշ թիմում:
| |
|
| |
| Total comments: 0 | |