10:26 L`Equipe պարբերականը կազմել է տարվա խորհրդանշական հավաքականը, որտեղ... | |
 Ֆրանսիական հեղինակավոր L`Equipe պարբերականին պատկանող www.lequipe.fr կայքը հաղորդում է, որ ըստ պարբերականի կազմած 2011թ.-ի խորհրդանշակամ հավաքականի` այդ 11 ֆուտբոլիստների կազմում են հայտնվել կատալոնական "Բարսելոնայի" միանգամից 6 ֆուտբոլիստներ, Մադրիդի "Ռեալի" 2 ֆուտբոլիստներ, իսկ մեկական ֆուտբոլիստ ներկայացնում են Մյունխենի "Բավարիան", անգլիական "Մանչեսթեր Յունայթեդն" ու "Մանչեսթեր Սիթին": Կատալոնական "Բարսելոնան" են ներկայացնում պաշտպաններ Խերարդ Պիկեն և Դանի Ալվեշը, կիսապաշտպաններ Սերխիո Բուսկետսը, Չավի Հերնանդեսը և Անդրես Ինյեստան, իսկ հարձակման գիծն ապահովում է արգենտինացի հարձակվող Լիոնել Մեսսին: Մադրիդի "Ռեալը" ներկայացնում են բրազիլացի պաշտպան Մարսելո Վիեյրան և պորտուգալացի հարձակվող Քրիշտիանո Ռոնալդուն: Մյունխենի "Բավարիայի" միակ ներկայացուցիչը դարպասապահ Մանուել Նոյերն է, "Մանչեսթեր Յունայթեդի" միակ ներկայացուցիչը կենտրոնական պաշտպան Նեմանյա Վիդիչը, իսկ "Մանչեսթեր Սիթիինը"` իսպանացի հարձակվող Դավիդ Սիլվան: Հավելենք, որ այս խորհրդանշական հավաքականում հայտնված Լիոնել Մեսսին 4-րդ տարին անընդմեջ ընդգրկվում է պարբերականի կողմից հայտարարված ֆուտբոլիստների շարքում:  | |
|
| |
| Total comments: 0 | |