 Երեկ իսպանական "Լա լիգայի" 21-րդ տուրի շրջանակներում կայացավ 4 հանդիպում, որոնցից երևի կարևորներն էին "Ռեալ Մադրիդ" - "Սարագոսա" և "Վիլյառեալ" - "Բարսելոնա" հանդիպումները, քանի որ հենց այս հանդիպումներից հետո պարզ կդառնար, թե արդյո՞ք մրցաշարային աղյուսակի վերին հատվածում փոփոխություններ կլինեն: Նշենք, որ "սերուցքայինները" սեփական հարկի տակ "Սարագոսայի" նկատմամբ կրկին կարողացան կամային հաղթանակ տոնել 3-1 հաշվով, իսկ ահա "կապտանռնագույնները" հյուընկալվելիս գոլազուրկ ոչ-ոքի խաղացին "Վիլյառեալի" հետ, որի արդյունքոմ "Արքայական ակումբն" արդեն 7 միավորով է գերազանցում "Բարսելոնային": Այժմ այս երկու հանդիպումները ներկայացնենք առանձին-առանձին. "Ռեալ Մադրիդ" - "Սարագոսա" (3-1). Իսպանիայի առաջնության 21-րդ տուրում
մրցաշարային աղյուսակի միանձնյա առաջատար Մադրիդի "Ռեալը" "Սանտիագո
Բեռնաբեու" մարզադաշտում կամային հաղթանակ տարավ ետնապահ "Սարագոսայի"
նկատմամբ և այժմ իր ակտիվում ունի 52 միավոր: Հանդիպման 11-րդ րոպեին հաշիվը բացեց
հյուրերի կիսապաշտպան Անխել Լաֆիտան: Մադրիդցիներից 21 րոպե պահանջվեց հշիվը
հավասարեցնելու համար. աչքի ընկավ վնասվածքից վերջերս ապաքինված բրազիլացի Կական: Երկրորդ խաղակեսում Մոուրինյոյի
սաները ևս երկու գնդակ ուղարկեցին մրցակցի դարպասը. 49-րդ րոպեին "սերուցքայինների" պորտուգալացի աստղ Քրիշտիանո
Ռոնալդուն խփեց իր հերթական գոլը, որը Ռոնալդուի համար "Լա լիգայում" 24-րդն էր, իսկ 7 րոպե անց Օզիլը դրեց հանդիպման
վերջակետը` հաշիվը դարձնելով 3-1:
 "Վիլյառեալ" - "Բարսելոնա" (0-0). Իսպանիայի առաջնության 21-րդ
տուրում կատալոնական գրանդ "Բարսելոնան" հյուրընկալվելիս չկարողացավ հաղթել "Վիլյառեալին", որի պատճառով հավաքելով 45 միավոր` արդեն 7
միավորով է զիջում մրցաշարային աղյուսակի միանձնյա առաջատար Մադրիդի "Ռեալին": Գրանցվեց գոլազուրկ ոչ-ոքի: |