16:45 Լեմպարդ. "Ինձ չի հետաքրքրում, թե տրասնֆերների համար ինչքան է ծախսում "Մանչեսթեր Յունայթեդը" | |
Լոնդոնի "Չելսիի"
առանցքային կիսապաշտպան անգլիացի Ֆրենկ Լեմպարդն ընդհանրապես ուշադրություն չի դարձնում
նրա վրա, թե ինչպիսի գումարներ են ծախսում "Մանչեսթեր Յունայթեդում" նոր
ֆուտբոլիստների ձեռքբերման համար: Անգլիացի կիսապաշտպանը վստահ է, որ "Չելսին"
դեռ իր խոսքը կասի տրանսֆերային պատուհանի ընթացքում: Հիշեցնենք, որ ներկայիս
դրությամբ լոնդոնյան գրանդը գնել է ընդամենը մեկ ֆուտբոլիստի. այդ երջանիկը 19-ամյա
բելգիացի դարպասապահ Տիբո Կուրտուան է, ում տրանսֆերը, ամենայն հավանականությամբ, լոնդոնցիների
վրա նստել է շուրջ 9 մլն եվրո: Բրիտանական The Guardian պարբերականը
մեջբերում է Լեմպարդի խոսքերը. "Մանչեսթեր Յունայթեդն" այժմ շատ ակտիվ գործունեություն
է ծավալել տրանսֆերային շուկայում: Նրանք արդեն հասցրել են մեծ գումարներ ծախսել նոր
ֆուտբոլիստների ձեռքբերման համար, սակայն մենք ընդհանրապես չենք անհանգստանում այս
առիթով, քանի որ գիտենք, որ ունենք հիանալի կազմ: Մենք Ասիա ենք մեկնել շրջագայության
հատկապես նրա համար, որպեսզի մեր մարզիչն ավելի մեծ հնարավորություն ունենա ծանոթանալու
թիմի ֆուտբոլիստների հետ և իմանալու նրանց հնարավորությունները: "Մանչեսթեր Յունայթեդը"
հիանալի ֆուտբոլիստներ է գնել, սակայն դա չի նվազեցնում մեր ուժն ու հավատը": | |
|
Total comments: 0 | |