 Անգլիայի "Պրեմիեր լիգայի" արդեն 16-րդ տուրի կենտրոնական հանդիպումը տեղի ունեցավ Մանչեսթերում, որտեղ մրցում էին քաղաքի երկու գլխավոր թիմերը` "Մանչեսթեր Սիթին" և "Մանչեսթեր Յունայթեդը": Սկզբունքային այս մրցավեճի առաջին խաղակեսը ընթացավ "Յունայթեդի" շատ վստահ առավելությամբ, որը Ուեյն Ռունիի դուբլի շնորհիվ էլ առավելությամբ ավարտվեց խաղակեսը: Երկրորդ խաղակեսում պատկերը լիովին փոխվեց. Յայա Տուրեն, հետո էլ Պաբլո Սաբալետան, գրավելով Դավիդ դե Խեայի դարպասը, հավասարացրին հաշիվը: Ոչ-ոքին անխուսափելի էր թվում մինչև մրցավարի ավելացրած ժամանակը, որի առաջին իսկ րոպեին Ռոբին վան Պերսին տուգանայինից կատարած հարվածով հաղթանակ պարգևեց "Յունայթեդին": Արդեն այս հաղթանակից հետո "Յունայթեդը" ներկայումս 6 միավորով առաջ անցավ իր հիմնական ախոյան "Մանչեսթեր Սիթիից", որն այսօր դեռևս 2-րդ տեղում է: |