 Լեգենդար արգենտինացի հարձակվող և ոչ այդքան փորձառու մարզիչ Դիեգո Արմանդո Մարադոնան խոսել է կատալոնական "Բարսելոնայի" երիտասարդ գլխավոր մարզիչ Պեպ Գվարդիոլայի ապագայի մասին: Հեղինակավոր El Economista պարբերականին տված հարցազրույցի ժամանակ Մրադոնան ասել է. "Ես կարծում եմ, որ եթե Պեպը որոշում կայացնի հեռանալ "Բարսելոնայից", ապա նա կգլխավորի իտալական որևէ ակումբ: Ես այնպիսի զգացում ունեմ, որ իրականում Գվարդիոլան ցանկանում է գլխավորել "Ինտերը": Իհարկե, Պեպը շատ առաջարկներ կունենա աշխարհի տարբեր ծայրերից, քանի որ նա մեծ մասնագետ է: Այդ պատճառով նա արժանի է աշխատել աշխարհի լավագույն ֆուտբոլիստների հետ, ովքեր հիմա հանդես են գալիս հենց "Բարսելոնայում":
|