 Կատալոնական "Բարսելոնայի" և Արգենտինայի ազգային հավաքականի առաջատար հարձակվող Լիոնել Մեսսին հավատում է, որ իրենց ակումբ նոր տեղափոխված Ալեքսիս Սանչեսը մեծ ապագա կունենա "կապտանռնագույնների կազմում": Մադրիդյան Marca հանդեսին տված հարցազրույցի ժամանակ Մեսսին ասել է. "Ես վստահ եմ, որ Ալեքսիսն արագ կհարմարվի մեր թիմում: Շատ լավ է, որ մենք կարողացանք նման ֆուտբոլիստ ձեռք բերել: Անկասկած նա միայն կուժեղացնի մեր խաղը: Սանչեսը "Բարսելոնայում" առանցքային խաղացող դառնալու բոլոր նախադրյալներն ունի: Ես տեսել եմ նրա խաղը, և, հավատացեք, Սանչեսն արտակարգ տաղանդավոր ֆուտբոլիստ է": |