 Մադրիդի "Ռեալի" դեմ կայանալիք "Արքայական գավաթի" 1/4 փուլի առաջին արտագնա հանդիպումից առաջ կատալոնական "Բարսելոնայի" արգենտինացի գերաստղ Լիոնել Մեսսին հերթական անգամ աչքի է ընկել իրեն ոչ հարկի պահվածքով: Ինչպես հայտնում է իսպանական Marca հանդեսը, "Ոսկե գնդակի" 3-ակի դափնեկիր Մեսսին ասել է, որ ամենևին չի մտածում մրցակցի խաղի մասին, քանի որ իրականում մադրիդցիները "Բարսելոնային" ամենևին էլ մրցակից չեն: "Հասկանալի է, որ "Ռեալն" ուժեղ թիմ է, սակայն նրանք մեզ մրցակից չեն: Հապա նայեք մադրիդցիների ցուցադրած խաղին: Ախր, դա ֆուտբոլ չէ: Նրանք իրենց գլխավոր մարզչի հետ դեռևս ճահիճներում են գտնվում, և եթե մենք ուզենք, ապա կարող ենք նրանց խորտակել, խեղդամահ անել, ինչպես անցած մրցաշրջանում, երբ հաղթեցին ստորացուցիչ 5-0 հաշվով: Մենք գիտենք, որ մեր "Բարսելոնան" աշխարհի համար մեկ ակումբն է, իսկ մնացած թիմերը մեզ բավականին զիջում են",- մրցակցին վիրավորելով` ասել է արգենտինացի 24-ամյա հարձակվողը: |