20:22 Միշել Պլատինին դեմ է արտահայտվել ֆուտբոլում նորարար տեխնոլոգիաների ներմուծմանը | |
ՈՒԵՖԱ-ի ներկայիս նախագահ, ազգությամբ ֆրանսիացի Միշել Պլատինին լրագրողների հետ հանդիպման ժամանակ դեմ է արտահայտվել ֆուտբոլում նոր տեխնոլոգիաների ներմուծմանը: Ողջ աշխարհում մեծ հեղինակություն ունեցող ֆուտբոլային պարբերականները մեջբերում են Պլատինիի խոսքերը. "Մեզ պետք չեն նոր տեխնոլոգիաներ: Գնդակի գիծը հատել կամ չհատելը կարող են որոշել դարպասների հետևում կանգնած մրցավարները: Դա արդեն իսկ փորձարկվել է "Չեմպիոնների լիգայում" ու "Եվրոպա լիգայում": Բանը նաև նրանում է, որ այս պայքարը ոչ մի լավ բանով չի ավարտվի: Հետո, ամենայն հավանականությամբ, պահանջելու են ներդնել խաղից դուրս վիճակը ճիշտ որոշող համակարգ, ու այդպես անվերջ: Ես դա չեմ ուզում: Ֆուտբոլը մարդկանց խաղ է: Դրա ընթացքում լինում են տասնյակ վիճելի պահեր, բայց կրկնապատկերի օգնությամբ գոլը որոշելու անհրաժեշտություն լինում է 40 տարին մեկ անգամ: Իմ կարիերայի ընթացքում երբեք չի եղել, որ գրանցեն գոլ, երբ գնդակը չի հատել դարպասը, կամ ընդհակառակը":
| |
|
Total comments: 5 | |
| |