 Հայաստանի ազգային հավաքականի և "Կրասնոդարի" արդեն նախկին հարձակվող Յուրա Մովսիսյանը, ում անունը վերջին շրջանում հաճախ է շրջանառվում ռուսական ֆուտբոլի ասպարեզում, ջնջել է իր Twitter-յան միկրոբլոգը: Վերջին օրերին էլ իրարամերժ տեղեկություններ էին ստացվում, թե Յուրան միացել է Մոսկվայի "Սպարտակին", բայց այս ամենն այդպես էլ պաշտոնական հաստատում չէր ստացվում: Այս կապակցությամբ ֆուտբոլասերներից մեկը մի հարց էր ուղղել Մովսիսյանին Twitter-ով, որում խնդրել էր պատասխանել, թե արդյոք նա տեղափոխվել է "Սպարտակ", իսկ հայ ֆուտբոլիստը կարճ պատասխանել էր "այո": Որոշ ժամանակ անց Յուրա Մովսիսյանը հեռացրել է իր էջը Twitter-ից, բայց գրառման պատկերը հաջողվել է պահպանել: Ներկայում Յուրայի միկրոբլոգը գոյություն չունի: |
