22:10 Մխիթարյանը լավագույնն է | |
 Դոնեցկի "Շախտյորի" պաշտոնական կայքը, սիրված ավանդույթի համաձայն, նորից հարցում է անցկացրել պարզելու համար, թե ով է "հանքափորների" կազմում նոյեմբեր ամսվա լավագույնը ֆուտբոլիստը: Հարցմանը մասնակցած 583 այցելուներից 123-ը (21.10 տոկոս) իրենց ձայները տվել են բրազիլացի կիսապաշտպան Վիլիանին, 170-ը (29.16 տոկոս) վերջինիս հայրենակից Ֆերնանդինիոյին: Իսկ ահա 234 (40.14 տոկոս) ձայնով հաղթող է ճանաչվել Հայաստանի ազգային ընտրանու առաջատար ու երիտասարդ կիսապաշտպան Հենրիխ Մխիթարյանը` հերթական անգամ ուրախացնելով "հանքափորների" հայազգի երկրպագուներին: Հիշեցնենք, որ ամսվա լավագույն ֆուտբոլիստին որոշելու համար դեռևս պետք է հարցում անցկացվի նաև լրագրողների և "Շախտյորի" վետերանների միջև: Վերջնական արդյունքները կհրապարակվեն միայն ակումբային ամսագրի դեկտեմբերյան համարում:
| |
|
| |
| Total comments: 0 | |