 Բրազիլիայի ազգային հավաքականի և "Սանթոսի" հարձակվող Նեյմարը լատինամերիկյան ԶԼՄ-ներին հայտարարել է, որ ինքը երջանիկ է Բրազիլիայում: Հիշեցնենք, որ 19-ամյա բրազիլացին ամռանը բանակցություններ էր վարում մի շարք եվրոպական ակումբների հետ, սակայն այդպես էլ չլքեց Բրազիլիան: "Մարդիկ շատ լավ են վերաբերվում ինձ Բրազիլիայում, այդ պատճառով ես շատ երջանիկ եմ: Եվս մեկ անգամ համոզվում եմ, որ պարտադիր չէ հանդես գալ Եվրոպայում, որպեսզի քեզ ճանաչի ամբողջ ֆուտբոլային հանրությունը",-հանրահայտ GloboSport հեռուստաալիքին տված հարցազրույցում նշել է Նեյմարը: |