17:39 ՈՒԵՖԱ-ի հանդեսը հոդված է տպագրել Մխիթարյանի մասին | |
ՈՒԵՖԱ-ի պաշտոնական ամսագիրն օրերս լույս տեսած իր վերջին համարում "Armenia’s got talent" ("Հայաստանը տաղանդ ունեցավ") վերնագրով հոդված է տպագրել, որտեղ պատմել է Հայաստանի ազգային հավաքականի և Դոնեցկի "Շախտյորի" առաջատար ֆուտբոլիստ Հենրիխ Մխիթարյանի մասին: "Champions" ամսագիրը Մխիթարյանին բնորոշում է որպես խորհրդային տարիների հայ ֆուտբոլիստներ Նիկիտա Սիմոնյանից, Էդուարդ Մարկարովից և Խորեն Հովհաննիսյանից հետո խաղացած մեծագույն հայ ֆուտբոլիստ: Մխիթարյանը պատմել է, որ մանուկ հասակում լաց էր լինում, երբ հայրը` "Արարատի" նախկին հարձակվող, վաղամեռիկ Համլետ Մխիթարյանն իրեն էլ չէր տանում մարզումների և միշտ ցանկացել է ֆուտբոլիստ դառնալ: Հենրիխն ընդգծել է, որ "Չեմպիոնների լիգայում" խաղալը կարևոր է ոչ միայն անձամբ իր համար. "Շատ հայ ֆուտբոլիստներ չէ, որ հնարավորություն ունեն "Չեմպիոնների լիգայում" խաղալու: Սա շատ կարևոր է ինձ համար: Ես այսօր շատ եմ ցանկանում տպավորություն գործել երեխաների վրա, ովքեր դիտում են իմ խաղը: Ես ցանկանում եմ, որպեսզի նրանք իրենց առջև նպատակ դնեն խաղալու խոշորագույն մրցաշարերում և մեծագույն թիմերում: Հենրիխ Մխիթարյանը նաև նշել է, որ "Շախտյորն" այժմ ունակ է հաջողությունների հասնելու եվրոպական ասպարեզում, իսկ ահա "Շախտյորի" ռումինացի գլխավոր մարզիչ Միրչա Լուչեսկուն էլ նշել է, որ Հենրիխի հետ աշխատելը միմիայն հաճույք է:
| |
|
Total comments: 0 | |