 Հայաստանի երիտասարդական հավաքականի գլխավոր մարզիչ Ռաֆայել Նազարյանը Չեխիայի հետ խաղից հետո պատասխանեl 1 լրագրողների հարցերին: Դրանցից կարևորագույնները ներկայացնում ենք Ձեր ուշադրությանը.
Ի՞նչ կասեք խաղի վերաբերյալ:
Կարծում եմ` հակառակորդը բարձր էր մեզանից ամեն ինչով, այդ թվում և խաղամակարդակով:
Եդիգարյանի փոխարինումը ինչո՞վ էր պայմանավորված:
Տղան լավ չէր խաղում ու պետք էր նոր ուժ մտցնել խաղի մեջ:
Հայ ֆուտբոլիստները մինչև գո՞լն էին լավ խաղում, թե՞ գոլից հետո:
Ամբողջ խաղի ընթացքում նրանք ճնշում էին գործադրում և առավելություն ունեին մեր թիմի նկատմամբ: Մենք վատ էինք խաղում:
Առաջին դարպասի գրավման մասին ի՞նչ կարող եք ասել:
Պետք է դիտել տեսագրությունը, բայց արդեն պարտվել ենք, իմաստ չունի ինչ-որ բան ասել, միևնույնէ փոխելն անհնար է:
Ինչո՞ւ չստացվեց կոմբինացիոն խաղը:
Բացատրեմ` մրցակիցը շատ հզոր էր ու դժվար էր նրա դեմ կոմբինացիոն որևէ գործողություն ձեռնարկել:
|