Ֆրանսիական "Բորդոյի" և Չեխիայի ազգային հավաքականի հենակետային ունիվերսալ կիսապաշտպան Յարոսլավ Պլաշիլը ևս երկու մրցաշրջանով երկարաձգել է ֆրանսիական ակումբի հետ գործող իր պայմանագիրը, և այժմ արդեն չեխ ֆուտբոլիստը ֆրանսիական թիմին կպատկանի մինչև 2015թ.-ի ամառ: Այս մասին տեղեկացնում է "Բորդոյի" պաշտոնական կայքը:
Իսպանական "Օսասունայից" 2009թ.ին "Բորդո" տեղափոխվելուց հետո երկու տարվա ընթացքում 29-ամյա կիսապաշտպանը "Բորդոյի" կազմում բոլոր մրցաշարերում անց է կացրել 94 խաղ և դարձել 9 գոլի հեղինակ: Սպասվում է նաև, որ Ալու Դիարայի՝ Մարսելի "Օլիմպիկ" տեղափոխվելուց հետո "Բորդոյի" նորանշանակ գլխավոր մարզիչ Ֆրանսիս Ժիրյոն թիմի ավագի թևկապը կվստահի հենց Պլաշիլին: