 Իսպանական հեղինակավոր AS պարբերականը հաղորդում է, որ Իսպանիայի ֆուտբոլի ֆեդերացիան, փոխզիջման գնալով, որոշում է կայացրել, ըստ որի` իսպանական "Լա լիգայի" 18-րդ տուրի շրջանակներում կայանալիք "Ռեալ Մադրիդ" - "Գրանադա" հանդիպումը կկայանա ոչ թե հունվարի 8-ին, այլ մեկ օր շուտ` հունվարի 7-ին: Նշվում է, որ "Արքայական ակումբի" ղեկավարներն են ցանկացել, որպեսզի հանդիպումը կայանա մեկ օր շուտ` պատճառաբանելով, որ հունվարի 11-ին Իսպանիայի գավաթի շրջանակներում պետք է խաղան "Մալագայի" հետ: Չնայած նրան, որ խաղի օրը փոխվել է, այնուհանդերձ, ժամը չի փոխվել. "Ռեալ Մադրիդ" - "Գրանադա" հանդիպումը կկայանա Երևանի ժամանակով 23:00-ին: |