13:25 Ռոման Բերեզովսկին փոխում է իր թիմը | |
 Հայաստանի ազգային հավաքականի և ռուսական "Խիմկիի" անփոխարինելի դարպասապահ Ռոման
Բերեզովսկին, ով ցանկանում էր ավարտել ֆուտբոլային կարիերան, շատ մոտ է Մոսկվայի "Դինամոյի" հետ պայմանագիր կնքելուն: Արդեն այսօր հայտնի է դարձել, որ փորձառու դարպասապահը երեկ երեկոյան
ժամանել է Մոսկվա` մոսկովյան ակումբի հետ պայմանագրի մանրապասները քննարկելու նպատակով:Նշենք, որ Բերեզովսկու ներկայիս թիմը` "Խիմկին", ներկայումս Թուրքիայում ուսումնամարզական հավաք է անցկացնում, սակայն Բերեզովսկին լքել է առաջին դիվիզիոնում ելույթ ունեցող թիմի ճամբարը` "Դինամոյի" հետ վերջնական պայմանավորվածություն ձեռք բերելու նպատակով: Իսկ ահա "Դինամոյում" Բերեզովսկին պետք է փոխարինի 25-ամյա Անտոն Շունինին, ով ծանր վնասվածք է ստացել և առաջիկա ամիսներին չի կարող դուրս գալ ասպարեզ: Հիշեցնենք, որ Ռոման Բերեզովսկին "Դինամոյում" հանդես գալու փորձ ունի. 2002/2005թթ. Ռոմանը 90-ից ավել հանդիպում է անցկացրել մայրաքաղաքային թիմի կազմում, որից հետո տեղափոխվել է "Խիմկի": Հավելենք, որ "Դինամոն" ներկայումս հաջող է հանդես գալիս Ռուսաստանի "Պրեմիեր լիգայում". թիմը 58 միավորով եզրափակում է լավագույն եռյակը: | |
|
| |
| Total comments: 0 | |