 Անգլիական "Տոտենհեմի" հոլանդացի կիսապաշտպան Ռաֆայել վան դեր Վարտը հայտարարել է, որ իր համար արդեն հարազատ դարձած "Տոտենհեմն" անգլիական "Պրեմիեր լիգայի" մրցաշարային աղյուսակում կարող է հանգրվանել 2-րդ հորիզոնականում` ետ մնալով միայն "Մանչեսթեր Սիթիից": Բրիտանական հեղինակավոր The People պարբերականը մեջբերում է հոլանդացի կիսապաշտպանի խոսքերը. "Նախորդ մրցաշրջանում մենք կարող էինք ավելիին հասնել` հանգրվանելով լավագույն քառյակում: Մրցաշրջանի սկզբում մենք շատ էներգիա կորցրեցինք, որի պատճառով նախորդ տարվա վերջում բավականին խաղեր ձախողեցինք: Հիմա, կարծում եմ, որ մենք կարող ենք Անգլիայում լինել երկրորդը, իհարկե "Մանչեսթեր Սիթիից" հետո: Նրանք անհավանականորեն ուժեղ են այս մրցաշրջանում": |