 Արգենտինացի հարձակվող Լիոնել Մեսսիի նախկին թիմակից, բրազիլացի հայտնի կիսապաշտպան Ռոնալդինյոն կարծում է, որ ներկա պահին արգենտինացուց ուժեղ ֆուտբոլիստ չկա, և անիմաստ է փնտրելը նորերին: "Անձամբ ինձ համար Մեսսին հանդիսանում է աշխարհի ամենալավ ֆուտբոլիստը: Վերջին մի քանի տարում Մեսսին իր խաղի այնպիսի մակարդակ է ցուցադրել, որը մենք նախկինում երբեք չենք տեսել: Ես հպարտ եմ, որ նույն ակումբում խաղացել եմ նրա հետ, երբ նա դեռ նոր սկսում էր: Լեոն գիտի, որ իմ սրտում հատուկ տեղ է զբաղեցնում: Ռոնալդո՞ւն: Քրիշտիանուն նույնպես հիանալի ֆուտբոլիստ է, ով շատ երկար տարիներ խաղում է հիանալի ֆուտբոլ, բայց ամեն դեպքում Լեո Մեսսին միշտ էլ լավագույնն է",- ասել է "ֆուտբոլային կախարդը": |