 Բրիտանական The Daily Mail պարբերականը տեղեկացնում է, որ իսպանական "Սևիլյան" ցանկանում է ձեռք բերել Լոնդոնի "Տոտենհեմի" ռուս 29-ամյա հարձակվող Ռոման Պավլյուչենկոյին:Ինչպես հայտնի է, անդալուզյան "Սևիլյան" արդեն վաճառել է Լուիս Ֆաբիանոյին, իսկ ամռանն անդալուզական թիմի կազմը լքելու է նաև 33-ամյա Ֆրեդերիկ Կանուտեն: Հենց դա է պատճառը, որ "Սևիլյայի" ղեկավարությունը ցանկանում է ձեռք բերել ռուս հարձակվողին: Պավլյուչենկոյի տրանսֆերային արժեքը կազմում է շուրջ 9 մլն եվրո, իսկ "խթանների" հետ նրա պայմանագիրն ուժի մեջ է մինչև 2013թ.-ի ամառ:Նշենք, որ ընթացիկ մրցաշրջանում Պավլյուչենկոն "Տոտենհեմի" կազմում անց է կացրել 38 խաղ և դարձել 12 գոլի հեղինակ:Հիշեցնենք, որ իսպանական "Սևիլյայի" կազմում ժամանակին հանդես է եկել նաև ևս մեկ ռուս հարձակվող` Ալեքսանդր Կերժակովը:
|