16:42 Սերխիո Մարկարյան. "Մեր հիմնական նպատակն աշարհի առաջնության եզրափակիչ փուլին մասնակցելն է" | |
Պերուի ազգային հավաքականի գլխավոր մարզիչ հայազգի Սերխիո Մարկարյանն "Ամերիկայի
գավաթի" ¼ եզրափակչի շրջանակներում Կոլումբիայի հզոր ընտրանու նկատմամբ 2-0
հաշվով տոնած հաղթանակից հետո լրագրողների հետ կայացած մամուլի ասուլիսի ժամանակ
ասել է, որ ինքը վստահ է, որ այդ հաղթանակը լրացուցիչ ուժ կհաղորդի իր
ֆուտբոլիստներին հետագայում այլ հերոսություններ անելու համար: Հեղինակավոր ESPN լրատվամիջոցը մեջբերում է հայազգի
մասնագետի խոսքերը. "Եթե Ֆալկաոն կարողանար իրացնել 11 մետրանոց հարվածը, ապա
հանդիպումն այլ ընթացք կունենար, և մենք դժվար թե կարողանայինք դուրս գալ
կիսաեզրափակիչ: Մեր բախտը պարզապես շատ բերեց: Դրա համար ես երախտապարտ եմ
Աստծուն: Ֆուտբոլիստները հիանալի կերպով կատարեցին իմ հրահանգները և շատ լավ
հակագրոհներ էին կազմակերպում: Այս հաղթանակը կարևոր չէ միայն նրա համար, որ մենք
դուրս ենք եկել կիսաեզրափակիչ, այլ նրա համար ևս, որ իմ սաները պետք է ավելի վստահ
լինեն իրենց ուժերի վրա աշխարհի 2014թ.-ի առաջնության նախընտրական փուլի շրջանակներում
լավ հանդես գալու համար: Մեր հիմնական նպատակն աշխարհի առաջնության եզրափակիչ
փուլին մասնակցելն է":
| |
|
Total comments: 0 | |