 Անգլիայի
ազգային հավաքականի երբեմնի աստղ և "Մանչեսթեր Յունայթեդի" արդեն նախկին խաղացող Փոլ
Սքոուլզը քննադատել է իր հայրենակիցների խաղը՝ նրանց անվանելով եսասիրակույտ: "Ես մինչև
կոկորդս կուշտ եմ մեր ազգային ընտրանու խաղից: Երբ մի թիմում հավաքվում են մարդիկ,
ովքեր մտածում են միմիայն իրենց անձի մասին, ապա նման թիմը հաջողության հասնել ուղղակի
չի կարող: Երբ պետք էր ընդամենը փոխանցում կատարել, խաղացողներից շատերը գնդակը վերցնում
էին և սկսում էին չհաջողված խաբքեր կիրառել: Մի շարք խաղացողներ էլ ավելի շատ մտածում
էին իրենց ակումբների մասին, քան հավաքականի: Լավագույն օրինակը Ջեյմի Քարագերն է, ով
վերջերս խոստովանեց, որ իր ակումբի պարտություններն ավելի ծանր են, քան հավաքականինը:
Պետք է սովորել Իսպանիայից, որտեղ բոլորը խաղում են մեկը, իսկ մեկը բոլորի կարգախոսով
և մշտապես հաղթում են: Իսկ անգլիացիները եսասեր են ու յուրաքանչյուրը միայն յուր անձի
մասին է մտածում",-նյարդայնացած ասել է The SUN հանդեսին
Սքոուլզը, ով 2004թ.-ից այլևս ելույթ չի ունեցել ազգային հավաքականում: |