 Լոնդոնի "Արսենալի" անգլիացի երիտասարդ կիսապաշտպան Թեո Ուոլքոտը դեռ հավատում է իրեն հարազատ դարձած ակումբի հաղթանակին, և կարծում է, որ այդ հաջողությանը հասնելու համար ակումբն անպայման պետք է մի քանի ֆուտբոլիստներով համալրվի: Ուոլքոտն ասել է. "Մենք կարողանում ենք ցույց տալ հիասքանչ ֆուտբոլ, սակայն նոր մակարդակին անցնելու համար անհրաժեշտ են նոր ֆուտբոլիստներ: Իհարկե, դրա հետ մեկտեղ պետք է ակումբում պահել տաղանդավոր ֆուտբոլիստներին: Այդ ժամանակ էլ հաջողությունը մեր կողմը կանցնի: Ես շատ ուրախ կլինեմ, եթե ակումբում նոր խաղացողներ հայտնվեն, ովքեր կօգնեն ավելի բարձր մակարդակի հասցնել "Արսենալի" խաղը: Վերջին մի քանի մրցաշրջանները մեզ համար իսկական պատուհաս էին դարձել և անհաջողությունները միշտ ուղեկցում էին մեզ: Հույս ունեմ, որ Վենգերն անսասան կլինի և կկարողանա ուժեղացնել ակումբի կազմը: Մեծ անհամբերությամբ եմ սպասում մրցաշրջանի մեկնարկին": |