 Լոնդոնի "Արսենալի" գլխավոր մարզիչ Արսեն Վենգերը հայտնել է, որ գոհ է տրանսֆերային շուկայում ակումբի աշխատանքից, քանի որ իրենք կարողացել են ձեռք բերել Օլիվյե Ժիրուին, Լուկաշ Պոդոլսկուն և Սանտի Կասորային: "Մարդիկ դեռ ասում են, որ մենք պետք է ավելի շատ ֆուտբոլիստներ ձեռք բերեինք: Գումարի անիմաստ վատնումը իմաստ չունի, պետք է ուղղակի որակյալ խաղացողների համար ներդրումներ կատարել: Մենք պատրաստ ենք գումար միայն ծախսել ճիշտ ֆուտբոլիստներ ձեռք բերելու համար: Պարզապես բոլոր նորեկներին մի որոշ ժամանակ է միշտ պետք հարմարվելու համար: Նույնիսկ Պիրեսը և Անրին միանգամից չկարողացան դրսևորել իրենց մեր թիմում: Մենք լիովին հավատում ենք մեր ֆուտբոլիստներին, բացի դրանից շուտով կազմ կվերադառնա Ջեկ Ուիլշերը, ով վնասվածքի պատճառով երկար բացակայել է: Սա է ամենից կարևորը",– ասել է Արսեն Վենգերը: |