 Գերմանիայի ազգային հավաքականի գլխավոր մարզիչ Յոհաքիմ Լյովը լրագրողներին հայտնել է, որ իր համար ամենաբարդ խնդիրը ԵՎՐՈ 2012 մրցաշարի համար իր ձեռքի տակ եղած ֆուտբոլիստներից ընտրություն կատարելն է: Գերմանիայի ֆուտբոլի ֆեդերացիայի պաշտոնական կայքը մեջբերում է Լյովի խոսքերը. "Ինձ համար շատ դժվար է լինելու ընտրություն կատարել, քանի որ հիմա իմ ձեռքի տակ գտնվում են շուրջ 30 ֆուտբոլիստներ, ովքեր լիարժեքորեն համապատասխանում են Գերմանիայի ընտրանու բոլոր պահանջներին: Ցավոք սրտի, ոմանք կարող են շատ մեծ ցավ ապրել, քանի որ հնարավոր է չհայտավորվեն ԵՎՐՈ 2012 գնացող ֆուտբոլիստների շարքում: Մոտակա ընկերական հանդիպումներն իմ որոշման գործում մեծ դեր կունենան: Ուկրաինայի, Հոլանդիայի և Ֆրանսիայի ընտրանիների հետ կայանալիք ընկերական հանդիպումները շատ վճռորոշ կլինեն": |