21:42 Յուրա Մովսիսյան. "Պետք է ավելի լավ խաղանք, քանի որ արդեն ծանոթ ենք Ռուսաստանի հավաքականի խաղաոճին" | |
Հայաստանի ազգային հավաքականի և ռուսական "Կրասնոդարի" հարձակվող Յուրա Մովսիսյանը Ռուսաստանի դեմ հունիսի 4-ին կայանալիք արտագնա հանդիպմանը նախապատրաստվող առաջին մարզումից հետո պատասխանեց լրագրողների հարցերին. Ինչպիսի՞ն են ակնկալիքներն առաջիկա խաղից: Պետք է ավելի լավ խաղանք, քան Երևանում, քանի որ արդեն ծանոթ ենք Ռուսաստանի հավաքականի խաղաոճին և ավելի հանգիստ կխաղանք: Ինչպիսի՞ մարզավիճակում ես այժմ: Շատ ավելի լավ, քանի Ռուսաստանի դեմ նախորդ խաղից առաջ: Ճիշտ է, հիմա շատ չեմ խաղում, սակայն կարևորն այն է, որ վնասվածքներ ու ցավեր չունեմ: Կկարողանա՞ս խաղալ 90 րոպե: Պետք է, որ կարողանամ: Նայած թե, ինչպես կընթանա հանդիպումը, սակայն եթե ամեն ինչ նորմալ լինի, կդիմանամ: Իսկ ինչ՞ն է պատճառը, որ հաճախակի չես խաղում: Չգիտեմ, մարզչի համարը կտամ, իրենից հարցրեց (պատասխանում է ծիծաղելով): Այսինքն` մարզչի հե՞տ է կապված: Դե երևի, ինքն է որոշում, թե ով որքան պետք է խաղա: Բայց առանց այն էլ "Կրանսոդարը" լավ չի խաղում և պետք է խաղալու հնարավորություն տա: Դե տեսնենք, ես միայն կարող եմ պարապմունքներին 100 տոկոսով մարզվեմ ու լավ մարզավիճակ հավաքեմ և սպասեմ իմ հնարավորությանը: "Կրասնոդարը" կկարողանա՞ պահպանել իր տեղը ուժեղագույն դիվիզիոնում: Կարծում եմ, այո, քանի որ լավ ֆուտբոլիստներ են հավաքված և հուսով եմ, որ այս անհաջող շրջանը կհաղթահարվի: Լավ ե՞ս զգում քեզ "Կրասնոդարում": Այո: Իհարկե, տարբերվում է այլ քաղաքներից, որտեղ նախկինում ապրել եմ, բայց պետք է հարմարվել: Կոպիտ ասած, քաղաքն ինձ ոչինչ չի տալիս, և ես այնտեղ ֆուտբոլի համար եմ և տրամադրված եմ միայն ֆուտբոլ խաղալու: Ռուսաստանի առաջնության մասին ի՞նչ կասես: Նախկինում շատ եմ նայել ռուսական ֆուտբոլ և այժմ էլ խաղալով տեսնում եմ, որ բարձրակարգ առաջնություն է` ուժեղ ֆուտբոլիստներով համալրված: Դանիայի առաջնությունունից, հաստատ, ուժեղ առաջնություն է: | |
|
Total comments: 0 | |