 Ֆուտբոլի կենդանի լեգենդ բրազիլացի Պելեն կրկին հանդես է եկել հետաքրքիր ու յուրօրինակ հայտարարությամբ: "Ֆուտբոլի արքան" նշել է, որ իր հայրենակից Նեյմարը հաստատ ոչնչով չի զիջում կատալոնական "Բարսելոնայի" առաջատար Լեո Մեսսիին: Ըստ Պելեի՝ արգենտինացին Նեյմարին գերազանցում է միայն ունեցած փորձի շնորհիվ: "Այսօր բոլորը խոսում են Լիոնել Մեսսիի մասին: Նա իսկական աստղ է դարձել: Բայց լավագույնը դառնալու համար Մեսսին պետք է գոնե ունենա Նեյմարի տաղանդը: Այս պահին արգենտինացին ուղղակի ավելի փորձառու է: Բացի այդ ուզում եմ խոսել իմ ու Մարադոնայի հարաբերությունների մասին: Լրագորղներդ նրան անվանում եք իմ ախոյանն ու մրցակիցը, սակայն ես ոչնչով չեմ կարող մրցակցել հարձկվողական կիսապաշտպանի հետ, քանի որ ես հարձոկվող եմ եղել",- ասել է ամենահայտնի բրազիլացին:
|