Իսպանական AS պարբերականի հաղորդմամբ ձմեռային տրանսֆերային պատուհանի ժամանակ "Վալենսիան" ցանկանում է իր հարձակվողական գիծն ուժեղացնել ֆրանսիական "Լորյանի" երիտասարդ հարձակվող Կեվին Գամեյրոյով, իսկ վերջինիս պայմանագիրն ակումբի հետ ավարտվում է այս մրցաշրջանի վերջում: Այդ պատճառով երիտասարդ ֆրանսիացու տեղափոխությունն Իսպանիա շատ հավանական է: |
Միլանի "Ինտերի" հոլանդացի կիսապաշտպան Ուեսլի Սնեյդերը հոլանդական Telegraff պարբերականի հարցման արդյունքում ճանաչվել է որպես Հոլանդիայի 2010թ.-ի լավագույն ֆուտբոլիստ: Քվեարկության արդյունքները հետևյալն է. - Ուեսլի Սնեյդեր (38%)
- Մաարտեն Ստեկելենբուրգ (14%)
- Արյեն Ռոբեն (8%)
- Ռաֆայել վան դեր Վարտ
...
Կարդալ ավելին
|
Անգլիական Daily Mail պարբերականի հաղորդմամբ "Մանչեսթեր Յունայթեդը" շուտով կարող է ձեռք բերել "Լիվերպուլի" իսպանացի դարպասապահ Պեպե Ռեյնային: "Կարմիր սատանաները" այս քայլին են դիմում, քանի որ Էդվինը ցանկանում է ավարտել կարիերան, իսկ նրան փոխարինողը կարող է իսպանացին լինել: Ռեյնայի տրանսֆերի համար "Լիվերպուլի" ղեկավարությունը 20 մլն ֆունտ է ցանկանում, իսկ "Յունայթեդը" չի ցանկանում այդպիսի գումարներ ծախսել, այդ պատճառով այս տրանսֆերը այդքան էլ հավանական չէ: |
Անգլիական "Տոտենհեմի" հոլանդացի կիսապաշտպան Ռաֆայել Վան դեր Վարտը Sky Sports-ին տված հարցազրույցում նշել է, որ "Ասթոն Վիլլայի" հետ հանդիպմանը, որի ժամանակ խաղի մեծ մասը "Տոտենհեմը" խաղում էր 10 հոգով, վճռական էր իր երկրորդ գոլը, որից հետո ֆուտբոլիստը սկսեց հավատալ իր ակումբի հաղթանակի վրա: Հիշեցնենք, որ այդ հանդիպումն ավարտվել է 2:1 հաշվով "Տոտենհեմի" հաղթանակով: |
Գերմանիայում մեծ հեղինակություն ունեցող Kicker պարբերականը Գերմանիայի 2010թ.-ի լավագույն ֆուտբոլիստի տիտղոսը շնորհել է Գերմանիայի ազգային հավաքականի և Մյունխենի "Բավարիայի" կիսապաշտպան Բաստյան Շվայնշտայգերին: Հենց ինքը` 26-ամյա ֆուտբոլիստը, նշում է, որ նախորդ մրցաշրջանն իր համար կարևոր էր, քանի որ նա հասավ մինչև Չեմպիոնների լիգայի եզրափակիչ, դարձավ Գերմանիայի առաջնության և Գերմանիայի գավաթի հաղթող, լավ հանդես եկավ ՀԱՀ-ում տեղի ունեցած աշխարհի առաջնությանը: |
Իսպանական Marca պարբերականը տեղեկացնում է, որ Մադրիդի "Ռեալի" բրազիլացի կիսապաշտպան Կական, ով ծանր վնասվածքի պատճառով երկար ժամանակ դուրս չէր գալիս խաղադաշտ, արդեն ապաքինվել է և պատրաստ է մասնակցել հունվարի 3-ին կայանալիք "Խետաֆեի" դեմ հանդիպմանը, սակայն բժիշկները նշում են, որ բրազիլացին պատրաստ է ամբողջական հանդիպում անցկացնել հունվարի 6-ին, երբ մադրիդցիները Իսպանիայի գավաթի շրջանակներում "Լևանտեի" դեմ կանցկացնեն պատասխան հանդիպումը մրցակցի հարկի տակ, իսկ առաջին հանդիպումն ավարտվել էր "Ռեալի" 8:0 ոչ ֆուտբոլային հաշվով հաղթանակով: |
Իտալական "Միլանի" և Շվեդիայի ազգային հավաքականի հարձակվող Զլաթան Իբրահիմովիչը խոստովանել է, որ կարիերան ցանկանում է ավարտել ԱՄՆ-ում, իսկ եվրոպական վերջին ակումբը, ում կազմում կխաղա, "Միլանը" կլինի և "Միլանի" հետ ունեցած պայմանագրի ավարտից հետո կտեղափոխվի ԱՄՆ: Նա նշել է, որ կարիերայի ավարտից հետո երևի մարզիչ դառնա, սակայն դա հաստատ չե, քանի որ շատ բան կարող է պատահել: |
AS պարբերականը տեղեկացնում է, որ Մադրիդի "Ռեալի" նախկին կիսապաշտպան Ռուբեն դե լա Ռեդը մասնակցել է բարեգործական նպատակներով անցկացվող խաղին: Հիշեցնենք, որ ֆուտբոլիստն ավարտեց կարիերան սրտի հիվանդություն ունենալու պատճառով, ով 2008թ.-ին խաղի ժամանակ խաղադաշտում ուշագնաց էր եղել : |
Հոլանդական "Այաքսի" և Ուրուգվայի ազգային հավաքականի հարձակվող Լուիս Սուարեսը AS պարբերականին տված հարցազրույցում նշել է, որ "Այաքսում" իր մոտ այլևս առաջխաղացում չի նկատվում և ցանկանում է տեղափոխվել իսպանական որևէ ակումբ ու խաղալ Իսպանիայի առաջնությունում: Հիշեցնենք, որ վերջերս Սուարեսը լրատվամիջոցներին ասել էր, որ Հոլանդիայում կմնա մինչև հաջորդ մրցաշրջան: |
Անգլիական "Բիրհմինգեմի" գլխավոր մարզիչ Ալեքս Մակլիշը լրագրողներին տված հարցազրույցում նշել է, որ թիմը ցանկանում է վարձավճարով ձեռք բերել "Տոտենհեմի" հարձակվող իռլանդացի Ռոբբի Քինին, իսկ վարձավճարը հետագայում կարող է դառնալ ձեռքբերում: Նշենք, որ Քինն այս մրցաշրջանում շատ քիչ խաղային փորձ ունի, և դա է պատճառը, որ հենց ֆուտբոլիստն է ցանկանում է հեռանալ ակումբից:Հիշեցնենք, որ մի քանի շաբաթ առաջ Քինին ցանկանում էր ձեռք բերել "Վեսթհեմը", սակայն կողմերը համաձայնուրյան չեկան: |
|