Մադրիդի «Ռեալի» գլխավոր մարզիչ Ժոզե Մոուրինյոն լրագրողների հետ հանդիպման ժամանակ ասաց, թե
հավատում է, որ հենց ինքը կստանա այս տարվա լավագույն մարզչի մրցանակը. տեղեկացնում է իսպանական
ESPN Soccernet-ը: "11 ամսվա ընթացքում իմ գլխավորած թիմերը 57 խաղ
են անցկացրել, հաղթել են երեք տիտղոս՝ այդ թվում ամենակարևոր տիտղոսը՝
Չեմպիոնների լիգան: Ես հաղթել եմ այն ամենը, ինչ կարող էի: Իմ
ֆուտբոլիստները պարզապես ֆիզիկապես չէին կարող այլ տիտղոս նվաճել: Կա արդյո՞ք ինձնից արժանավորը":
|
Իտալական "Ինտերի" սեփականատեր Մասիմո Մորատտին ասել էր, թե Ռաֆա Բենիտեսին փոխարինած մարզչի անունը հայտնի կլինի միայն Սուրբ ծննդյան տոներից հետո: Այսօր քրիստոնյա կաթոլիկները ողջ աշխարհում նշում են Քրիստոսի ծնունդը, իսկ "Ինտերն" էլ իր պաշտոնական կայքում տեղադրել է հետևյալ մաղթանքն իր երկրպագուներին. "Այսուհետ, մինչև 2012թ. հունիսի 1-ը մեր ակումբի գլխավոր մարզիչը կլինի բրազիլացի մասնագետ Լեոնարդոն, ով հայտնի է "Միլանում" ունեցած իր ելույթներով: Նա մեկ տարի առաջ մեր քաղաքը ներկայացնող մեկ ուրիշ թիմի գլխավոր մարզիչն էր, բայց այսօր մերն է: Աջակցեք նրան ու օգնեք շուտ հարմարվելու մեզ":
Հ.Գ. Շնորհավորում ենք բոլոր ինտերիստաներին նոր մարզիչ ունենալու կապակցությամբ, բայց ցավում ենք Բենիտեսի համար, ում համար դեռ ավելի շատ են փակ դռները, քանի որ ներկայումս ոչ մի թոփ թիմ մարզիչ փոխելու մտադրություն չունի:
|
"Տոտենհեմի" ռուս հարձակվող Ռոման Պավլյուչենկոյի գործակալը "Советский спорт"-ին հաղորդել է, որ նոր պայմանագիր ստորագրելու բանակցությունները հաջող են ընթանում, և մոտակա ժամանակներում նոր պայմանագիր կստորագրվի լոնդոնյան թիմի հետ`բարելավված ֆինանսական պայմաններով: |
"Ինտերի" սեփականատեր Մասիմո Մորատտին հայտարարել է, որ նոր գլխավոր մարզչի անունը հայտնի կդառնա սուրբծննդյան տոներից հետո: Նշեմ, որ իտալական լրատվամիջոցները Բենիտեսի փոխարեն տեսնում են "Միլանի" նախկին գլխավոր մարզիչ Լեոնարդոյին: La Gazzetta dello Sport-ը տեղեկացնում է, որ Լեոնարդոն իբրև "Ինտերի" գլխավոր մարզիչ կներկայացվի դեկտեմբերի 27-ին կամ 28-ին: |
Մյունխենի "Բավարիայի" արգենտինացի պաշտպան Մարտին Դեմիկելիսը կտեղափոխվի "Մալագա" ձմեռային տրանսֆերային պատուհանի ժամանակ: Սակայն առայժմ պարզ չէ, թե Դեմիկելիսի տրանսֆերն ամբողջովին կպատկանի "Մալագային", թե նա կխաղա թիմում վարձավճարային հիմունքներով: Պաշտոնական տեղեկատվություն տրանսֆերի մասին կհաղորդվի մոտ օրերս: |
Թուրքական ակումբը համաձայնության է եկել "Վերդերի" հետ` 26-ամյա պորտուգալացի հարձակվողին գնելու համար. սրա մասին տեղեկացնում է AFP-ն: Տրանսֆերի գումարը կկազմի մոտ 2 մլն եվրո: Հիշեցնեմ, որ օրեր առաջ "Բեշիքթաշ" էր տեղափոխվել մեկ այլ պորտուգալացի` "Ատլետիկո" Մադրիդի կիսապաշտպան Սիմաո Սաբրոզան, ում հետ պայմանագիր մինչև այսօր դեռ չի կնքվել: |
Հոլանդական "ՊՍՎ"-ի կիսապաշտպան Իբրահիմ Աֆֆելայն արդեն ժամանել է Կատալոնիա "Բարսելոնա" թիմի հետ պայմանագիր ստորագրելու համար: Հիշեցնեմ, որ թիմերի ղեկավարությունները միմյանց հետ համաձայնության էին եկել նոյեմբերի 16-ին: Աֆֆելայն արդեն անցել է բժշկական հետազոտությունը, և նախատեսվում է, որ արդեն այսօր խաղացողը պաշտոնապես կներկայացվի որպես "Բարսելոնայի" ֆուտբոլիստ: Տրանսֆերի նախնական գինը մոտ 3 մլն եվրո է: |
Լոնդոնյան "Տոտենհեմի" առաջատարներից Ռաֆայել Վան դեր Վարտը, ով առաջին մրցաշրջանն է անցկացնում "Հոթսփուրցիների" կազմում, խոստովանել է, որ իր համար շատ անսովոր է խաղադաշտ դուրս գալ տոնական օրերին. "Անկեղծ ասած ես չեմ հիշում, թե երբևէ խաղադաշտ դուրս եկած լինեմ այս տոնական օրերին, ես գրեթե միշտ եղել եմ Հոլանդիայում ընտանիքիս հետ: Սակայն դա ինձ համար ամենևին էլ խնդիր չէ, ես պատրաստվելու եմ "Ասթոն Վիլլայի" դեմ հանդիպմանը մարտականորեն, մանավանդ, որ իմ խաղին հետևելու է ընտանիքս": |
Այդքան սպասված, բայց հետաձգված հանդիպումը տեղի կունենա գարնան առաջին օրը: Այդ օրը նախատեսված են գավաթի խաղարկության 5-րդ տուրի հանդիպումներ, և եթե "Չելսին" կամ "Յունայթեդը" դուրս մնացած չլինեն այդ խաղարկությունից, անգլիական Պրեմիեր լիգայի այդ հանդիպումը նորից կհետաձգվի: |
Այսօր` գիշերը ժամը մեկին, սկսվեց "Ռեալ" Մադրիդ - "Լևանտե" գավաթային հանդիպումը: Սպասվում էր, որ Մոուրինյոյի սաները հաղթանակի կհասնեն, բայց որ կգրանցվի 8:0 ոչ ֆուտբոլային հաշիվ, միայն մադրիդիստները կարող էին պատկերացնել: Արդեն հանդիպման 10 րոպեին Բենզեմայի ու Օզիլի ջանքերով "Ռեալը" հաղթում էր 2:0 հաշվով: Չհանգստանալով ձեռք բերածով` "Ռեալն" անընդհատ գրոհում էր ու դա տվեց իր պտուղները. հանդիպումն ավարտվեց 8:0 հաշվով: Գոլերի հեղինակ դարձան Ռոնալդուն (3 գնդակ), Բենզեման (3 գնդակ), Օզիլն ու Պեդրո Լեոնը (մեկական գնդակներ): Հանդիպման վերջին 10 րոպեներին մասնակցեց նաև երիտասարդ հարձակվող Ալվարո Մորատտան, ում անմիջական ջանքերով հանդիպման 89-րդ րոպեին Պեդրո Լեոնին հաջողվեց գրավել դատարկ դարպասը: Մոուրինյոյի պատասխանը Գվարդիոլային հետևյալն էր. "Մենք նույնպես կարող ենք 8 գոլ խփել, ցավոք, դեռ կազմավորման փուլում ենք ու մի անգամ 5 գնդակ բաց թողեցինք, այն էլ մի թիմից, որտեղ հավաքված տղաները իրար հետ խաղում են ակադեմիայից: "Ռե
...
Կարդալ ավելին
|
|